इरानको नयाँ प्रस्तावप्रति ट्रम्प असन्तुष्ट, परमाणु मुद्दा नसमेटिएको भन्दै आपत्ति

काठमाडौं । इरान ले हालै अमेरिका समक्ष द्वन्द्व अन्त्यका लागि नयाँ प्रस्ताव पठाए पनि अमेरिकी राष्ट्रपति डोनाल्ड ट्रम्प त्यसप्रति सन्तुष्ट देखिएका छैनन्।

समाचार संस्था रोयटर्स का अनुसार उक्त प्रस्तावमा इरानको परमाणु कार्यक्रमबारे स्पष्ट उल्लेख नगरिएको कारण ट्रम्प असन्तुष्ट बनेका हुन्।

यसअघि ह्वाइट हाउसकी प्रवक्ता केरोलाइन लेविट ले ट्रम्पले इरानको प्रस्तावबारे आफ्ना वरिष्ठ राष्ट्रिय सुरक्षा सल्लाहकारहरूसँग छलफल गरिरहेको जानकारी दिएकी थिइन्।

यसैबीच अमेरिका–इरान तनावका कारण विश्व ऊर्जा आपूर्तिमा समेत असर देखिन थालेको छ। पछिल्ला दिनहरूमा इरानका विदेशमन्त्री अब्बास अरागची ले पाकिस्तान, ओमान र रूस को भ्रमण गर्दै समर्थन जुटाउने प्रयास गरेका छन्।

बीबीसी का अनुसार यी भ्रमणहरूको मुख्य उद्देश्य अन्तर्राष्ट्रिय समर्थन बटुल्नु रहेको छ। इस्लामाबादमा अमेरिका–इरानबीच हुने भनिएको दोस्रो चरणको वार्ता हुन नसकेपछि ट्रम्पले इरानलाई आफ्नो प्रस्ताव फोनमार्फत पनि पठाउन सक्ने संकेत दिएका थिए।