दशौँ राष्ट्रिय खेलकुद तयारीबारे सुर्खेतमा मूल आयोजक समितिको बैठक

---

कर्णाली प्रदेशमा आगामी मंसिर १६ देखि २७ गतेसम्म आयोजना हुने दशौँ राष्ट्रिय खेलकुद प्रतियोगिताको तयारीलाई अघि बढाउन मूल आयोजक समितिको बैठक आइतबार सुर्खेतको वीरेन्द्रनगरमा सुरु भएको छ।

शिक्षा तथा खेलकुदमन्त्री सस्मित पोखरेलको अध्यक्षतामा बसेको बैठकमा कर्णाली प्रदेशका मुख्यमन्त्री मंगलबहादुर शाहीसहित सम्बन्धित निकायका प्रतिनिधिहरू सहभागी छन्। प्रतियोगिताको व्यवस्थापन, पूर्वाधार र सञ्चालनसम्बन्धी तयारीबारे छलफल भइरहेको छ।

यसपटक प्रतियोगिता कर्णालीका विभिन्न जिल्लामा सञ्चालन गर्ने तय भएको छ।