कांग्रेस महाधिवेशनमा ७ सय प्रहरी परिचालन, सीसीटीभी र ड्रोनबाट निगरानी

---

नेपाली कांग्रेसको १५औँ महाधिवेशनलाई लक्षित गर्दै काठमाडौंमा ७ सयभन्दा बढी प्रहरी परिचालन गरिएको छ। खुलामञ्च, भृकुटीमण्डप र राष्ट्रिय सभा गृह आसपासको सुरक्षा सीसीटीभीमार्फत निगरानी गरिने काठमाडौं प्रहरी परिसरले जनाएको छ।

भृकुटीमण्डपस्थित नेपाल पुलिस क्लबमा कमान्ड पोस्ट राखिएको छ। वर्दी र सादा पोसाकका प्रहरीसँगै ड्रोन तथा तालिमप्राप्त कुकुर पनि सुरक्षामा खटिएका छन्। महाधिवेशनका कारण प्रभावित हुन सक्ने सडकमा ट्राफिक व्यवस्थापनका लागि प्रहरी टोली परिचालन गरिएको छ।