महाधिवेशन विवाद चर्किँदा संस्थापन पक्षका २५ केन्द्रीय सदस्य देउवासँग भेटवार्ता

---

काठमाडौं ।

  नेपाली कांग्रेसमा चुनावअघि नै महाधिवेशन गरिनुपर्ने पक्षमा खुलेका संस्थापन पक्षका २५ केन्द्रीय सदस्यले सभापति शेरबहादुर देउवालाई भेटेका छन्।

महामन्त्रीद्वय गगन थापा र विश्वप्रकाश शर्माले नियमित महाधिवेशन स्थगन गरी विशेष महाधिवेशन आह्वानको तयारी गरेपछि संस्थापन पक्षका नेताहरू देउवालाई भेट्न पुगेका हुन्।

आज बिहान महाराजगन्जस्थित निवासमा भएको भेटमा नेताहरूले पार्टी अप्ठ्यारो अवस्थामा पुगेको भन्दै सहमतिका साथ अघि बढ्न सभापतिको भूमिका आवश्यक रहेको ध्यानाकर्षण गराएका थिए। भेटमा देउवाले आफू पार्टी विभाजन नहोस् भन्नेमा सचेत रहेको बताएका एक केन्द्रीय सदस्यले जानकारी दिए।

ती नेताहरूले आजै महामन्त्रीद्वय थापा र शर्मासँग पनि भेट गर्ने तयारी गरेका छन्।