जेनजी आन्दोलनबारे सुदन गुरुङको दाबी, “पहिला गोली, पछि संरचना जल्यो”

---

काठमाडौं। राष्ट्रिय स्वतन्त्र पार्टी (रास्वपा) का गोरखा–१ बाट प्रतिनिधिसभा उम्मेदवार सुदन गुरुङले जेनजी आन्दोलनका क्रममा भएका घटनाबारे आफ्नो धारणा सार्वजनिक गरेका छन्। उनले सामाजिक सञ्जालमार्फत आन्दोलनको सुरुआतमा सुरक्षा बलबाट गोली चलेको र त्यसपछि मात्रै सिंहदरबारमा आगलागी भएको दाबी गरेका हुन्।

फेसबुकमा लेख्दै गुरुङले युवाहरू ढलेपछि मात्र संरचना जल्ने अवस्था आएको उल्लेख गरे। उनका अनुसार घटनाको क्रमलाई उल्टो रूपमा प्रस्तुत गर्नु सत्यसँग मेल नखाने विषय हो।

“पहिला गोली चलेको हो, त्यसपछि सिंहदरबार जलेको हो,” उनले लेखेका छन्, “बच्चाहरू सुरुमा ढलेका हुन्, त्यसपछि मात्रै संरचना बलेको हो।”

उनको यो अभिव्यक्तिलाई लिएर सामाजिक सञ्जालमा विभिन्न प्रतिक्रिया देखिन थालेका छन्। समर्थकहरूले घटनाको स्मरण गराएको बताएका छन् भने आलोचकहरूले यस्तो टिप्पणीले थप विवाद निम्त्याउन सक्ने टिप्पणी गरेका छन्।