काठमाडौं । टाइम लाइन स्कुलमा अध्ययनरत छात्रा जोस्ना थापाले माध्यमिक शिक्षा परीक्षा (SEE) २०८२ मा उत्कृष्ट नतिजा हासिल गर्दै ४.० जिपीए ल्याएकी छन् । उनको यो उपलब्धिले विद्यालय, परिवार तथा आफन्तमाझ खुसीको वातावरण सिर्जना गरेको छ ।
सानै उमेरदेखि नै मेहनती, अनुशासित र प्रतिभाशाली स्वभावकी जोस्ना पढाइप्रति अत्यन्त गम्भीर मानिन्थिन् । नियमित अध्ययन, शिक्षकप्रतिको सम्मान र आफ्नो लक्ष्यप्रतिको दृढ इच्छाशक्तिका कारण उनले आज यो सफलता हासिल गर्न सकेकी हुन् । विद्यालयका शिक्षकहरूका अनुसार जोस्ना कक्षामा सधैं सक्रिय, जिज्ञासु तथा मेहनत गर्ने विद्यार्थीका रूपमा परिचित थिइन् ।
हामीसँगको कुराकानीमा जोस्नाले आफ्नो सफलता मेहनत, परिवारको साथ तथा शिक्षकहरूको मार्गदर्शनका कारण सम्भव भएको बताइन् । उनले भनिन्, “सानैदेखि पढाइप्रति धेरै रुचि थियो । आज यो सफलता हासिल गर्दा निकै खुसी लागेको छ । आगामी दिनमा अझ राम्रो अध्ययन गर्दै अघि बढ्ने लक्ष्य लिएकी छु ।”
त्यस्तै, जोस्नाका बुबा पुरुषोत्तम थापाले पनि छोरीको सफलताप्रति गर्व व्यक्त गरेका छन् । उनले भने, “जोस्ना सानैदेखि पढाइमा निकै मेहनती थिइन् । आज मेहनतको फल पाउँदा हामी सबै अत्यन्त खुसी छौं । अब उसले पढ्न चाहेको विषयमा पूर्ण साथ दिनेछौं ।”
एसईईको नतिजामा ४.० जिपीए ल्याएपछि उनलाई अहिले परिवार, साथीभाइ, शिक्षक तथा आफन्तजनबाट निरन्तर बधाई तथा शुभकामना प्राप्त भइरहेको छ । सामाजिक सञ्जालमा समेत उनको सफलताको चर्चा भइरहेको छ भने धेरैले उनलाई मेहनत र संघर्षको प्रेरणादायी उदाहरणका रूपमा प्रशंसा गरेका छन् ।
विद्यालयले सार्वजनिक गरेको विवरणअनुसार यस वर्ष टाइमलाइन स्कुलका पाँच जना विद्यार्थीले ४.० जिपीए हासिल गरेका छन्, जसमा जोस्ना थापाको नाम विशेष रूपमा चर्चामा आएको छ । विद्यालय प्रशासनले उनको उपलब्धिप्रति गर्व व्यक्त गर्दै आगामी दिनमा अझ उच्च सफलता हासिल गर्न शुभकामना दिएको छ ।
काठमाडौंको जोरपाटी–नयाँबस्तीमा रहेको टाइमलाइन स्कुलले पछिल्ला वर्षहरूमा शिक्षा क्षेत्रमा उत्कृष्ट नतिजा दिँदै आएको छ । यस वर्षको एसईई नतिजाले विद्यालयको शैक्षिक गुणस्तरलाई थप प्रमाणित गरेको विद्यालयको भनाइ छ ।
जोस्ना थापाको यो सफलता अहिले धेरै विद्यार्थीका लागि प्रेरणाको विषय बनेको छ । मेहनत, लगनशीलता र आत्मविश्वास भए सफलता अवश्य प्राप्त गर्न सकिन्छ भन्ने उदाहरण उनले प्रस्तुत गरेकी छन् ।
सम्वन्धित समाचारहरु
प्रतिकृया दिनुहोस्