प्रतिनिधिसभा पुनर्स्थापनाबारे पूरक रिटमा आज पेसी, बहुमत सांसदको समर्थन जुट्यो

---

प्रतिनिधिसभा पुनर्स्थापनाको माग गर्दै कांग्रेसका ६५ र अन्य दलका ३ गरी ६८ सांसदले हस्ताक्षर गरेको पूरक रिटमा आज सर्वोच्च अदालतमा पेसी तोकिएको छ। उक्त रिट मंगलबार वारेसमार्फत दर्ता गरिएको हो।

यसअघि कांग्रेसका ८ सांसदले मङ्सिर २३ गते रिट दायर गरेका थिए। अहिले थप हस्ताक्षरसहित कांग्रेस, जनता समाजवादी पार्टी, जनमत पार्टी र एक स्वतन्त्र सांसदको समर्थन जुटेको छ।

यससँगै एमालेका ७५ सांसदले पहिले नै दर्ता गराएको रिटसमेत जोड्दा प्रतिनिधिसभा पुनर्स्थापनाको पक्षमा १४३ सांसदको समर्थन पुगेको छ, जुन बहुमतका लागि आवश्यक १३८ भन्दा बढी हो।

कांग्रेस–एमालेका अनुसार बहुमत सांसदको माग पुगेकाले अब प्रतिनिधिसभा पुनर्स्थापनाको बाटो सहज हुने अपेक्षा गरिएको छ।