‘नाम मात्रैको कार्यवाहक’: सभापति देउवाप्रति गगन थापाको टिप्पणी

---

नेपाली कांग्रेसका महामन्त्री गगन थापाले पार्टी सभापति शेरबहादुर देउवाले दिएको कार्यवाहक जिम्मेवारी प्रभावहीन रहेको टिप्पणी गरेका छन्। पार्टी बैठकपछि पत्रकारसँग कुरा गर्दै थापाले सभापति बैठकमा उपस्थित नभए पनि सबै निर्णय र शक्ति अभ्यास त्यहीँबाट भइरहेको दाबी गरे।

थापाले महाधिवेशन नगरी कांग्रेस आमनिर्वाचनमा जानु उपयुक्त नहुने स्पष्ट गर्दै यस विषयमा सभापति देउवासँग विशेष आग्रह गरेको बताए। पार्टीको दीर्घकालीन हितका लागि नेतृत्वले जिम्मेवारीपूर्वक भूमिका खेल्नुपर्ने उनको भनाइ छ।

उनले पार्टी अधिवेशन तोकिएकै समयमा गर्न नसकिए विशेष महाधिवेशनमार्फत भए पनि नयाँ नेतृत्व चयन गरी सोही नेतृत्वबाट चुनाव लड्नुपर्ने अपेक्षा व्यक्त गरे। कांग्रेसका लागि अभिभावकीय भूमिका निर्वाह गर्नु सभापतिको मुख्य जिम्मेवारी भएको थापाको भनाइ छ।