राप्रपा र राप्रपा नेपालबीच आज एकता, सहमति पत्रमा हस्ताक्षर

---

राजेन्द्र लिङ्देन नेतृत्वको राप्रपा र कमल थापा नेतृत्वको राप्रपा नेपालबीच आज, ९ पुस, काठमाडौँमा एकता हुने भएको छ। दुवै अध्यक्षले सहमति पत्रमा हस्ताक्षर गर्ने तयारी भइरहेको राप्रपाका प्रचार विभाग प्रमुख मोहन श्रेष्ठले जानकारी दिए।

श्रेष्ठका अनुसार, “दुई दलबीचको एकता सहमति पत्रमा साँझ ७ बजेअघि हस्ताक्षर हुनेछ। अहिलेसम्म सहमति मात्र भएको छ, पद बाँडफाँटको विषयमा केही निर्णय भएको छैन। कमल थापा बिना कुनै बार्गेनिङका एकताका लागि तयार हुनुहुन्छ।”

यससँगै दुई राप्रपा समूहबीच लामो समयदेखि रहेको विभाजन अन्त्य हुने अपेक्षा गरिएको छ।