चन्द नेतृत्वको नेकपा (माओवादी)ले सरकारविरुद्ध आन्दोलन सुरू गर्‍यो

---

काठमाडौं ।

नेत्रविक्रम चन्द ‘विप्लव’ नेतृत्वको नेकपा (माओवादी)ले सरकारविरुद्ध आन्दोलन सुरू गरेको छ। शुक्रबारदेखि काठमाडौंमा आन्दोलनका कार्यक्रम सुरू गरिएको पार्टीले जनाएको छ।

आन्दोलनको सुरुवातसँगै माओवादी कार्यकर्ताहरूले सरकारविरोधी नाराबाजी गर्दै प्रदर्शन गरेका छन्। चन्द नेतृत्वको नेकपा (माओवादी)ले सर्वपक्षीय सरकार गठन हुनुपर्ने माग अघि सारेको छ।

आन्दोलनको घोषणा गर्दै महासचिव नेत्रविक्रम चन्दले अन्तरिम सरकारको नेतृत्व गरिरहेकी प्रधानमन्त्री सुशीला कार्कीलाई ‘कठपुतली सरकार’को संज्ञा दिएका छन्। उनले सरकारका भ्रम र गलत बुझाइलाई ध्वस्त पार्न आफूहरू आन्दोलनमा उत्रिएको बताए।

महासचिव चन्दका अनुसार शुक्रबारबाट सुरू गरिएको आन्दोलन निरन्तर रूपमा अगाडि बढाइनेछ। सरकारको कदमविरुद्ध सशक्त दबाब सिर्जना गर्न देशव्यापी कार्यक्रम घोषणा गरिने उनले संकेत गरे।