रवि–बालेन सम्झौतापछि सञ्चारमन्त्री खरेलको प्रतिक्रिया : ‘नयाँ दिन, नयाँ सुरुवात’

---

काठमाडौं ।

   राष्ट्रिय स्वतन्त्र पार्टीका सभापति रवि लामिछाने र काठमाडौं महानगरपालिकाका मेयर बालेन शाहबीच सात बुँदे सम्झौता भएपछि अन्तरिम चुनावी सरकारका प्रवक्ता तथा सञ्चारमन्त्री जगदिश खरेलले सकारात्मक प्रतिक्रिया दिएका छन्।

खरेलले सामाजिक सञ्जाल फेसबुकमार्फत् प्रतिक्रिया जनाउँदै लेखेका छन्, ‘नयाँ दिन, नयाँ सुरुवात । सुन्दर र समृद्ध नेपालको सपना ! गन्तव्य तय हुँदैछ…’।

लामो समय पत्रकारितामा सक्रिय खरेल जेनजी आन्दोलनपछि गठन भएको अन्तरिम चुनावी सरकारमा सञ्चार तथा सूचना प्रविधि मन्त्री नियुक्त भएका हुन्। स्रोतका अनुसार उनी अब सक्रिय राजनीतिमा आउने तयारीमा छन्।