रास्वपाको समानुपातिक सूचीमा बालेन पक्षलाई ४० सिट

---

काठमाडौं ।

राष्ट्रिय स्वतन्त्र पार्टी (रास्वपा) को समानुपातिक सांसद उम्मेदवार सूचीमा काठमाडौं महानगरपालिकाका मेयर बालेन्द्र शाह (बालेन) पक्षका ४० जना समेटिने भएका छन्।

रास्वपा सभापति रवि लामिछाने र बालेन शाहबीच आइतबार बिहान भएको सहमतिअनुसार समानुपातिकतर्फ बुझाइने ११० जनाको बन्द सूचीमध्ये ४० जना बालेन पक्षका र बाँकी ७० जना रास्वपाका उम्मेदवार रहने स्रोतले जनाएको छ।

निर्वाचन आयोगमा आज र भोलि समानुपातिकतर्फको बन्द सूची बुझाउने कार्यतालिका छ। यद्यपि, आइतबार भएको सात बुँदे सम्झौतापत्रमा समानुपातिक भागबण्डाबारे स्पष्ट उल्लेख छैन। यसबारे मौखिक समझदारी भएको स्रोतको दाबी छ।

स्रोतका अनुसार बालेनको सूचीमा विभिन्न जेनजी समूहका अगुवाहरू पनि समावेश हुनेछन्। उता रास्वपाले भने समानुपातिक उम्मेदवार चयनका लागि आन्तरिक भोटिङ प्रक्रिया अघि बढाएको जनाएको छ।