गगन थापा नेतृत्वको कांग्रेस केन्द्रीय समिति बैठक सुरू, आयोग जाने तयारी

---

काठमाडौँ ।

                       गगन थापाको नेतृत्वमा नेपाली कांग्रेसको पहिलो केन्द्रीय समिति बैठक सुरु भएको छ। दोस्रो विशेष महाधिवेशनबाट निर्वाचित नयाँ केन्द्रीय कार्यसमितिको बैठक ललितपुरको कुपन्डोलस्थित एक पार्टी प्यालेसमा जारी रहेको छ।

महामन्त्री प्रदीप पौडेलको सचिवालयका अनुसार बैठकमा विशेष महाधिवेशनपछिको राजनीतिक कार्यदिशा र संगठनात्मक विषयमा छलफल भइरहेको छ।

बैठक सकिएपछि विशेष महाधिवेशनको औपचारिक नतिजा अद्यावधिक गराउन कांग्रेस नेतृत्व आजै निर्वाचन आयोग जाने तयारीमा छ। अधिवक्ता राजु कटवालका अनुसार बिहीबार मध्यान्ह १२ देखि १ बजेसम्म आयोग पुगेर आवश्यक कागजात पेश गरिनेछ।

विशेष महाधिवेशनमार्फत नयाँ नेतृत्व चयन भइसकेकाले पार्टीको अभिलेख अद्यावधिक गर्न आयोगमा दस्तावेज दर्ता गर्न लागिएको हो। सो प्रक्रियामा कानुनी तथा प्रशासनिक सहजीकरणका लागि अधिवक्ता कटवालसहितको टोली सक्रिय रहेको जनाइएको छ।