काठमाडौं। उज्यालो नेपाल पार्टीले प्रतिनिधिसभा निर्वाचन २०८२ पछि आफ्नो संगठन र आगामी रणनीतिबारे विस्तृत समीक्षा गरेको छ। पार्टीले दुई दिने केन्द्रीय बैठकमार्फत संगठन विस्तार, सदस्यता वृद्धि र जनतासँग प्रत्यक्ष सम्पर्क बढाउने निर्णय गरेको जनाएको छ।
काठमाडौंस्थित केन्द्रीय कार्यालयमा फागुन २९ र ३० गते सम्पन्न समीक्षा बैठक Kulman Ghising को अध्यक्षतामा बसेको थियो। बैठकमा केन्द्रीय समिति सदस्य, प्रतिनिधिसभा उम्मेदवार, प्रदेश तथा जिल्ला संयोजकसहित विभिन्न तहका नेता–कार्यकर्ताको सहभागिता रहेको बताइएको छ।
पार्टीका प्रवक्ता Raju Thapa का अनुसार पहिलो दिन निर्वाचनका क्रममा प्राप्त अनुभव, जनताको समर्थन, संगठन विस्तारको अवस्था, प्रचारप्रसारका चुनौती र मतदाताको मनोविज्ञानबारे विस्तृत छलफल गरिएको थियो।
छलफलका क्रममा सीमित स्रोत र प्रारम्भिक संगठनात्मक संरचना हुँदाहुँदै पनि पार्टीले देशभरबाट सम्मानजनक मत प्राप्त गरेको निष्कर्ष निकालिएको बताइएको छ। यस उपलब्धिलाई आगामी दिनका लागि बलियो आधारका रूपमा लिने निर्णय भएको पनि जनाइएको छ।
दोस्रो दिन केन्द्रीय समिति सदस्यहरूबीच पार्टीलाई वैचारिक रूपमा स्पष्ट र संगठनात्मक रूपमा थप मजबुत बनाउँदै राष्ट्रिय राजनीतिक शक्तिका रूपमा स्थापित गर्ने विषयमा छलफल भएको थियो।
बैठकले सचिवालय, विभाग, आयोग, सल्लाहकार समिति, प्रवास समिति तथा प्रदेश, जिल्ला र स्थानीय तहका संगठनलाई अझ व्यवस्थित र सक्रिय बनाउने निर्णय पनि गरेको छ।
यसका साथै पार्टीभित्र प्रशिक्षण कार्यक्रम सञ्चालन गर्ने, डिजिटल माध्यममा उपस्थिति बढाउने, मिडिया व्यवस्थापन सुदृढ गर्ने, युवा र महिला सहभागिता विस्तार गर्ने तथा सदस्यता अभियानलाई तीव्र बनाउने विषयमा पनि जोड दिइएको छ।
पार्टीले आफूलाई केवल चुनावमा केन्द्रित शक्ति नभई सुशासन, समृद्धि र सामाजिक न्यायका लागि दीर्घकालीन राजनीतिक अभियानका रूपमा अघि बढाउने लक्ष्य राखेको जनाएको छ। साथै हालै सम्पन्न निर्वाचन शान्तिपूर्ण रूपमा सम्पन्न गर्न सहयोग गर्ने सबै पक्षलाई धन्यवाद दिँदै लोकतान्त्रिक प्रक्रिया अझ सुदृढ बनाउन आग्रह पनि गरिएको छ।
सम्वन्धित समाचारहरु
प्रतिकृया दिनुहोस्