नेपाली सांगीतिक क्षेत्रमा नयाँ प्रस्तुति स्वरूप “ढुकढुकिले के भन्छ” शीर्षकको म्युजिक भिडियो सार्वजनिक गरिएको छ।
रोमान्टिक भावनाले भरिएको यस गीतले प्रेम, भावना र मनको धड्कनलाई आकर्षक ढंगले प्रस्तुत गरेको छ ।यस गीतमा किशोर पोख्रेलको शब्द, रमेश अन्जान कडरियाको संगीत तथा सुमन केसी र रोजिना बस्नेतको सुमधुर स्वर समेटिएको छ।
दोलखा जिल्लाको खरिढुङ्गामा छायाङ्कन गरिएको भिडियोमा रमणीय दृश्य र कथाले दर्शकको मन जित्ने अपेक्षा गरिएको छ। भिडियोमा रामचन्द्र नेपाली र प्रीतिका शर्माको अभिनय देख्न सकिन्छ, जसले प्रस्तुति अझ प्रभावशाली बनाएको छ।
छायाङ्कन मोहन कुमार झिल्लुले गरेका हुन् भने कोरियोग्राफी सुरेश पाण्डेले गरेका छन्। निर्देशन रामकृष्ण बोहोराले गरेका हुन्। सम्पादन, कलर तथा पोस्टर डिजाइन अर्जुन खड्काले गरेका छन्।
उक्त म्युजिक भिडियो Saira Music Official युट्युब च्यानलमार्फत सार्वजनिक गरिएको हो।
प्रतिकृया दिनुहोस्