कांग्रेसमा पदाधिकारी संख्या बढाउने समझदारी, निर्णय बन्दसत्रबाट

---

काठमाडौं । नेपाली कांग्रेसको १५औँ महाधिवेशनका क्रममा पार्टीका पदाधिकारीको संख्या बढाउने विषयमा नेताहरूबीच समझदारी बनेको छ। प्रस्तावअनुसार उपसभापति दुईबाट चार र सहमहामन्त्री ११ बाट १३ पुर्‍याउने योजना छ।

उपसभापतितर्फ वरिष्ठ पद सिर्जना गर्ने र महिला प्रतिनिधित्व सुनिश्चित गर्ने विषय प्रस्तावमा समेटिएको छ। सहमहामन्त्रीका थप दुई पदको व्यवस्थाबारे पनि सहमति भएको बताइएको छ।

यो संरचना अझै अन्तिम भइसकेको छैन। विधान संशोधनको प्रस्ताव महाधिवेशनको बन्दसत्रमा प्रस्तुत गरी छलफल र निर्णय गर्ने तयारी छ। बन्दसत्रले पारित गरेपछि मात्र नयाँ पदाधिकारी संरचना लागू हुनेछ।