थापा नेतृत्वको कांग्रेसमा ७० पूर्वपदाधिकारी तथा केन्द्रीय सदस्य जोडिए

---

गत पुसमा भएको विशेष महाधिवेशनमा सहभागी नभएका ७० पूर्वपदाधिकारी तथा केन्द्रीय सदस्य गगन थापा नेतृत्वको नेपाली कांग्रेस केन्द्रीय समितिमा जोडिएका छन्। तीमध्ये १९ जना वैशाखमा र ५१ जना असोज १ मा समेटिएका थिए।

थापा नेतृत्वको पार्टीको १५औँ महाधिवेशन असोज १८ देखि काठमाडौंमा जारी छ। पूर्वसभापति शेरबहादुर देउवा पक्षले भने छुट्टै महाधिवेशन प्रक्रिया अघि बढाएको छ।