जेन–जीको अपेक्षा : कांग्रेसमा युवालाई नीति र नेतृत्वमा भूमिका

---

नेपाली कांग्रेसको १५औँ महाधिवेशनको उद्घाटनसँगै जेन–जी पुस्ताका अगुवाहरूले युवाको उपस्थिति पद र आरक्षणमा मात्र सीमित नराखी नीति तथा निर्णय प्रक्रियामा प्रभावकारी बनाउन आग्रह गरेका छन्।

युवा अभियन्ता माजिद अन्सारीले महाधिवेशन गुटगत प्रतिस्पर्धामै सीमित नहोस् र युवाका मुद्दा नीति तथा विधानमा समेटिने गरी बहस अघि बढोस् भन्ने अपेक्षा राखेका छन्। अर्की अभियन्ता रक्षा बमले कांग्रेसले आफ्नै इतिहासबाट सिक्दै आन्तरिक लोकतन्त्र बलियो बनाउन र युवाको सहभागिता निरन्तरता दिनुपर्ने बताएकी छन्।

अन्सारी र बमका भनाइमा महाधिवेशनमा युवाको उपस्थिति मात्र पर्याप्त छैन; संगठनको नीति, नेतृत्व र निर्णयमा उनीहरूको भूमिका महत्त्वपूर्ण छ। कांग्रेसको १५औँ महाधिवेशन आजदेखि काठमाडौंमा सुरु भएको छ।